Share this:

" /> Smiley faceSmiley faceSmiley faceSmiley face
Published On: Tue, Jul 30th, 2019

Wasiirka Gaadiidka Iyo Wadooyinka Oo Ka Hadlay Dhismaha Biriishka Burco Iyo Xaalada Gobolka Sanaag

Share This
Tags

Burco (ANN)-Wasiirka Gaadiidka iyio Horrumarinta Wadooyinka Somaliland Cabdullaahi Abokor Cismaan,  ayaa ka hadlay xaalada gobolka Sanaag, malayshiyada Col. Caare ee ku sugan Buuralayda Woqooyiga Magaalada Ceergabo iyo qorshaha xukuumadda ee Biriishka Magaalada Burco ee roobabku waxyeeleen oo weli go’an.

Wasiir Cabdullaahi Abokor oo isaga Guddoomiyaha Baanka dhexe ee Somaliland Cali Ibraahim Jaamac (Cali Baqdaadi) safar  ku marrayeen maalmihii lasoo dhaafay gobolada Bari, ayaa xaalada gobolka Sanaag iyo Arrinta Biriishka Burco ka hadlay mar ay maanta warbaahintu wax ka weydiisay, isagoo  ku sugan Magaalada Burco ee xarunta gobolka Togdheer.

Wasiirka gaadiidka iyo horrumarinta Wadooyinka Somaliland Cabdullaahi Abokor Cismaan oo ugu horrayn ka hadlayay halka ay marayaan arrimaha gobolka Sanaag, ayaa yidhi, “Arintaasi waxa gacanta ku haya Odayaasha dhaqanka oo u tagay markii shaqaaqadu dhacday, markaa hawl kastaa waxay ku dhamaanaysaa  si nabad ah, Caare waa nin Somalilander ah inaguna waxaynu ku soo caano maalnay sodonkaasi sanadkaa sannadood ee Somaliland jirtay  wax kasta oo inaga hor yimaada waxaynu ku xalinaynay  nabadgalyo, xukuumadda goaankeeduna waxa weeyi hawshaasi innay ku dhamaato si nabadgelyo ah markaa cid kasta oo dhankeena iyo dhankooda ka dhimataa waa  dadkeena.”

Wuxuuna xusay inay masuuliyadda arrinataasi saarantahay Xukuumadda oo Illaahay kala xisaabtamayo, sidaa awgeed dawladda ay ku dedaalayso in hawshaasi boqolkiiba boqol ay ku dhamaato si nabadgelyo ah.

Waxa kale oo Wasiirka Horrumarinta Gaadiidka Cabdullaahi Abokor la weydiiyay arrinta Biriishka Burco iyo sababta aannay xukuumaddu waxba uga qaban ilaa hada, wuxuuna  yidhi, “Biriishka Burco waa xaqiiq in waxyeelo kasoo gaadhay roobabkii waaweynaa, waxa la sameeyey daraasadii iyo sidii wax looga qaban lahaa markaa waxa aanu rajaynaynaa todobaadyadan soo socda innay  u iman doonaan Injineeradii, waxaana la sii dayn doonaa kharashkii uu madaxweynuhu u ogolaaday markaa waxbaa laga qabanayaa.” Ayuu Cabdullaahi Abokor.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

#8Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp