Share this:

" />
Telesom Dahabshiil
Published On: Wed, Apr 1st, 2015

Weriye Lagu Xidhay Somaliland Iyo SOLJA Oo Ka Hadashay

axmed siciid maxamed
Hargeysa(ANN)Ururka Suxufiyiinta Somaliland ee Solja ayaa Warbixin ka soo saaray Xadhiga Weriye Axmed Siciid Maxamed oo ka hawlgala Telefishinka Kalsan, kaas oo shalay lagu xidhay Magaalada Berbera ee xarunta gobolka Saaxil.
Qoraal saxaafadeed Ururka SOLJA, kasoo saaray xadhiga weriyahaa, waxay ugu baaqeen xukuumadda in xoriyadiisa loo soo celiyo, wuxuuna qoraalkaa oo uu ku saxeexanyahay Guddoomiyaha SOLJA Maxamuud Cabdi Jaamac (Xuuto) u qornaa sidan:-
‘Ururka Suxufiyiinta Somaliland SOLJA waxa uu ugu baaqayaa xukuumadda iyo masuuliyiinta kale ee bixiyey amarka xadhiga wariye Axmed Siciid Maxamed oo ka shaqeeya Telefishanka Kalsan in ay xorriyadiisa u celiyaan isla markaana u maraan nidaam sharci ah Dacwadiisa.
Ururka SOLJA waxa uu soo dhaweynayaa talaabo kasta oo suurtogalinaysa in Dacwadaha Wariyayaasha aan lagu deg degin isla markaana la tixgaliyo in qabashadooda loo maro Hay’addaha Garsoorka si waafaqsan xeerka Saxaafadda Somaliland iyo Dastuurka Qaranka.
Ururka SOLJA waxa uu ka xun yahay in qabashadiisa Ciidanka ilaalada Dekeddu u maraan nidaam ka baxsan sharciga iyagoo Saq dhexe ku garaacay gurigiisa, isla markaana uu illaa hada ugu xidhan yahay Dekedda dhexdeeda, kadib markii uu Wariyuhu u tagay subaxnimadii.
SOLJA waxay diyaar u tahay in ay gacanta ku qabato Eed kasta oo laga tirsado Wariyayaasha ka hor intaan lagula kicin xadhig, si loo ilaaliyo sumcadda dhanka xorriyatul Qawlka ee ay S/land ku dhex leedahay Gobolka iyo beesha caalamkaba.
SOLJA marnaba raali ka noqon mayso in wariye ku xad-gudbo maslaxadda Qaranka, xuquuqda Masuuliyiinta iyo ta Bulshada toona , sidoo kale-na ma aqbalayso in Hay’adaha ammaanku kula kacaan Tacadi waxyeelaya karaamadda iyo sharafta Suxufiyiinta Dalka.
Ururka SOLJA waxa uu xukuumadda ku bogaadinayaa sida ay u fududaysay kiisaskii ugu danbeeyey ee dhex maray Wariyayaasha iyo Xukuumadda, kuwaas oo labada dhinacba ay ku lug lahaayeen khaladaadkii dhacay.
Ugu danbayn SOLJA waxay ugu baaqaysaa Xukuumadda in Wariye Axmed Siciid Maxamed Xorriyadiisa usoo celiso, anaga oo Ogsoon dedaalkii Masuuliyiinta wasaaradda Warfaafinta Somaliland u gashay shalay furdaaminta xadhiga wariye Axmed Siciid.”ayaa lagu yidhi qoraalka Ururka SOLJA.
Araweelo News Network
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a website based in Somaliland. Arraale is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 <https://web.whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Advertisement

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp