Telesom Dahabshiil
Published On: Mon, Feb 5th, 2018

Xukuumadda Federaalka Ee Soomaaliya Oo Xayirtay Koonteenaro Ay Leedahay Dawladda Imaaraadka Oo Laga Dejiyay Dekedda Muqdisho

Araweelo News Network

Muqdisho(ANN)-Xukuumadda Federaalka ee Soomaaliya, ayaa xayirtay Koonteenaro ay leedahay Dawladda Imaaraadka oo laga dejiyay dekedda magaalada Muqdisho.

Maamulka Dekedda Iyo Saraakiisha Safaaradda Imaaraadka ee Muqdisho, ayaa Isku maan dhaafay Koonteenaradaa. Kadib markii Maamulka Dekadda weyn ee Muqdisho ku wargeliyeen Safaaradda in aan Dekedda laga saarayn Ilaa la baadho Koonteenarada oo la hubiyo waxa ku Jira, balse  safaaradda Imaaraadka Carabta ee magaalada Muqdisho, ayaa diiday dalabka Saraakiisha Dekedda.

 

Safiirka Imaaraadka ee Muqdisho oo ka cadhooday arrintaa, ayaa dacwad u gudbiyay Madaxweynaha iyo Ra”iisal wasaaraha, waxaana markaa kadib dekedda booqday Ra’iisal Wasaaraha Soomaaliya Xasan Cali Kheyre iyo Wasiirka Amniga Maxamed Abuukar Ducaale iyagoo Saraakiisha Dekedda ku amray in la fasaxo alaabtaa Safaaradda imaaraadka.

Dawladda Imaaraadka oo taageero dhanka Ciidamadda Iyo dhaqaalaha siisa dawladda Federaalka ee Soomaaliya, ayaa muddooyinkan danbe lagu eedaynayay  Inay abaabulayso dhaqdhaqaaqyo Ka dhan ah xukuumadda, iyadoo Safaaradda Imaaraadka ee Muqdisho lala xidhiidhiyay faragelin maamulka ah.

Halkan Ka Akhri: Dawladda Imaaraadka Oo Hubaynay Maamul Goboleedyada Soomaaliya Ee Kasoo Horjeeda Dawladda Federaalka Iyo Ra’iisal Wasaarihii Hore Oo Dilaal Ka Noqday

Dhinaca kale Safaaradda  Imaaraadka Carabta ayaa si joogto ah dekadda Muqdisho ugala soo degta alaabo kala duwan oo ay ku jiraan qalab milateri oo qaarkood la siiyo maamul goboleedyada, waxayna arrimahaasi sii xoojiyeen tuhunadii hore looga qabay Inay Imaaraadku faragelin ku hayaan Maamul goboleedyada Soomaaliya oo qaarkood Intii ay soo bexeen tuhunadani kasoo hor jeesteen xukuumadda Federaalka ee Soomaaliya.

About the Author

- #Arraale Mohamoud Jaama, a Freelance Journalist and Human Rights Activist and over 20 year experience as a Career Journalism and human rights activist, as well as a writer and investigation journalism on a wide range of topics related to social issues, human rights, politics, security, economics, democracy, good governance, and events in the region and around the world and Worked for the Somaliland Newspapers, in 2008 established website #Araweelo #News #Network, which based in Somaliland he is a currently runs, #Arraale is a Specializes in the investigation and reporting on issues to human rights, democracy, and good governance. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp