Share this:

" />
Telesom Dahabshiil
Published On: Thu, Aug 13th, 2020

Xukuumadda Somaliland Oo Maxkamadda Sare U Gudbinay Muranka Ka Taagan Doorashooyinka

Araweelo News Network

Hargeysa(ANN)-Xukuumadda Somaliland, ayaa go’aamisay in muranka doorashooyinka golayaasha wakiiladda iyo deegaanka loo gudbiyo Maxkamadda sare ee dalka si ay go’aan uga soo saarto.

Sidaana, waxa lagu sheegay War-saxaafadeed kasoo baxay Fadhigii 62aad ee golaha wasiirada Jamhuuriyadda Somaliland  yeesheen, kaas oo loo qabtay habka Maqalka iyo Muuqaalka (Video Conference).

Shirka golaha wasiirada  oo uu guddoominayey Madaxweynaha Jamhuuriyadda Somaliland, Mudane Muuse Biixi Cabdi, waxaana lagaga dooday qabsoomidda doorashooyinka isku sidkan ee wakiillada iyo deegaanka,  sidoo kalena lagu ansixiyey siyaasado qaran sida lagu sheegay war-saxaafadeedka kasoo baxay qasriga Madaxtooyadda oo nuqul ka mid ah soo gaadhay shebekadda Araweelo News Network.

War-saxaafdeedka, ayaa lagu yidhi, ” wasiir ku xigeenka wasaaradda arrimaha gudaha, ayaa golaha warbixin guud ka siiyay xaaladda nabad-gelyada dalka. Sidoo kale wasiirka isgaadhsiinta iyo Tiknoolajiyada ayaa golaha warbixin ka siiyey hirgelinta nidaamka E-government iyo halka uu marayo, isagoo wasiirku tilmaamay ahmiyadda uu u leeyahay dalka.

Sidoo kale, Wasiirka wasaaradda horumarinta maaliyadda ayaa golaha warbixin dheer ka siiyey xaaladda dhaqaale ee dalka iyo saamaynta uu ku yeeshay safmarkii xanuunka karoona Fayris (Corona-virus), wuxuuna wasiirku golaha horkeenay siyaasadda haykalka guud ee dhaqaalaha iyo maaliyadda ee saddexda sanno ee soo socda 2021-2023, si aragti guud iyo saadaalin runa looga helo geeddi-socodka dhaqaalaha iyo maaliyadda Dalka, loona hubiyo in dakhli ururinta guduhu ku filan tahay daboolidda kharashaadka dawladda iyo mashaariicda horumarineed ee mudnaanta leh, waxayna siyaasaddani jaangoynay samaynta miisaaniyad-sanadeedka 2020 -2021.

Dhinaca kale, wuxuu goluhu ansixiyey siyaasadda shaqo abuurka qaran ee Somaliland oo ay soo diyaarisay wasaaradda shaqo gelinta, arrimaha bulshada iyo qoyska.

Gebegebadii, waxa goluhu dood dheeer ka yeeshay qabsoomidda doorashooyinka isku sidkan ee wakiillada iyo deegaanka, wuxuuna goluhu go’aamiyey in loo gudbiyo maxkamadda sare ee Jamahuuriyadda Somaliland.” ayaa lagu yidhi, war-saxaafadeedkaa oo uu ku saxeexnaa Af-hayeenka Madaxweynaha Jamhuuriyadda Somaliland, Maxamuud Warsame Jaamac.

 

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a website based in Somaliland. Arraale is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 <https://web.whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Advertisement

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp