<
#Araweelo_News_Network.
Hargeysa(ANN)-Maxkamadda Ciidamadda ee Somaliland, ayaa maanta xukun ku riday Nin lagu eeddeeyay inuu xidhiidh la lahaa Al-shabaab, isla markaana ahaa wakiil u jooga Somaliland.
Qoraal kasoo baxay Wasaaradda Gaashaandhiga Jamhuuriyadda Somaliland oo ku taariikhaysan 11 Jun 2023, ayaa lagu sheegay in Faysal Cali Ibraahin lagu xukamay xabsi Millateri oo sagaal sannadood ah.
Xukunka ayaa ka dhashay, markii sida lagu sheegay qoraalka Maxkamadda derejada koowaad ee Ciidamadda waaxda gobollada galbeedka ku heshay Faysal Cali Ibraahin oo 42 jir ah, isla markaana magaca hooyadii lagu sheegay Aamin Aadan inuu yahay denbiile Al-shabaab ah.
Waxa kale, oo qoraalka lagu sheegay in ninkaa oo ka tirsanaa Al-shabaab, isla markaana u qaabilsanaa Ururka inuu dagaalyahano aaminsan fekerkooda ka diyaariyo guddaha Somaliland.
Hase yeeshee, sida lagu sheegay qoraalka soo xigganaya go’aanka maxkamadda ee kasoo baxay wasaaradda gaashaandhiga, waxa lagu riday xukun sagaal sannadood ah, iyadoo fadhiga dhegaysiga maxkammadu ka dhacay xarunta dacwaddaha Maxkamadda Ciidamadda ee Hargeysa.
Qoraalka laguma xusin in Ninka la xukumay uu ahaa muwaadin u dhashay Somaliland iyo inuu kasoo jeedo Soomaaliya, ama meelo kale oo geyiga Soomaalida ah u dhashay, sidoo kale, qoraalka laguma xusin faahfaahin ku saabsan xilliga la qabtay ninkaa iyo halka uu ku sugnaa, ama tafaasiil dheeri ah oo ku saabsan inay jiraan shaqooyin kale oo uu hayay, marka laga yimaado shaqada uu Ururka Al-shabaab u hayay ee xukunka ciqaabta ah sababay.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com
