Telesom Dahabshiil
Published On: Thu, Jan 14th, 2021

Wasiirkii Arrimaha Dibedda Ethiopia Mudada Dheer Iyo Saraakiil Kale Oo La Dilay

Araweelo News Network

Wasiirkii Arrimaha Dibedda Ethiopia Mudada Dheer Iyo Saraakiil Kale Oo La Dilay

Addis Ababa(ANN)- Xukuumadda dalka Ethiopia ayaa sheegtay in dishay saddex sarkaal oo ka mid ahaa saraakiisha sare ee jabhada qowmiyada Tigray ee TPLF.

Saraakiisha ayay xukuumaddu sheegtay in lagu dilay hawlgal ciidamadeedu ka fuliyeen woqooyiga gobolka Tigray ee dagaaladu ka socdeen tan iyo November kaddib markii ra’iisal wasaare Abiy Axmed uu gulufka ciidan ku kiciyay maamulkii iyo ciidamadii gobolka Tigray.

War qoraal ah oo kasoo baxay xukuumadda dalka Ethiopia, ayaa lagu sheegay in saddexda sarkaal ee la dilay uu ku jiro siyaasiga caanka ah ee Seyoum Mesfin oo muddo labaaatan sannadood ku dhow ahaa wasiirka Arrimaha dibedda dalka Ethiopia ee xukuumaddii Federaalka ee Meles Zenawi, isagoo ka mid ahaa xubnihii ay Meles wada aasaaseen jabhada TPLF, sidoo kalena Seyoum Mesfin, ayaa ahaa Ambassador dalka China u jooga Ethiopia.

Sidoo kale, waxa ku jira saddexda sarkaal ee xukuumadda Ethiopia sheegtay in la dilay Wasiirkii hore ee arrimaha federaalka Abay Tsehaye iyo madaxii hore ee baarlammaanka, Asmelash Woldeselassie.

Warka ay xukuumaddu soo saartay waxay ku sheegtay in saddexdaa sarkaal ay ku dhinteen rasaas ay is weydaarsadeen ciidanka khaaska ah ee denbiyada, iyagoo diiday in ay isu dhiibaan ciidanka. Sida lagu sheegay qoraalka kasoo baxay xukuumadda, balse laguma sheegin qoraalka faahfaahin dheeraad ah oo la xidhiidha dilka saraakiisha sare, goobta lagu dilay iyo in jireen ciidamo ka garab dagaalamayay ama meel gaar ah laga helay.

AKHRI: Ethiopia Oo Sheegtay In Saraakiil TPLF ah La Dilay Kuwo Kalena Lasoo Qabtay

Kumanaan qof ayaa ku dhintay tan iyo November markii dagaalku ka bilaabmay gobolka Tigray, iyadoo kumanaan kale u qaxeen dalka Suudaan, sida ay sheegtay kooxda xasaradaha adduunka ee ICG.

Abiy ayaa ku dhawaaqay guul dabayaaqadii bishii November kaddib markii ciidamada federaalka ay galeen xarunta gobolka ee Mekele.

Laakiin kooxda TPLF ayaa wacad ku martay inay sii wadayso dagaalka, UN-ka ayaa soo tabisay todobaadkii hore in “dagaalada maxaliga ah iyo amaan darada ay sii socdaan” meelo badan oo gobolka ah.

AKHRI:  Ethiopia Oo Shaacisay Saraakiisha TPLF ee Isu Dhiibay Dawladda

Hogaanka sare ee kooxda TPLF ayaa weli baxsad ah, lamana oga halka ay ku suganyihiin, walaw maalmihii la soo dhaafay dowladdu  ku dhawaaqday inay qabatay saraakiil badan oo ka tirsan TPLF, oo uu ku jiro Sebhat Nega, oo xubin ka ahaa aasaasayaashii TPLF, balse TPLF, ayaa sheegtay halgamaa la qabto iyo sarkaal in aannu ku istaagayn halgankoodu, waxayna ku hanjabeen in xataa haddii madaxda TPLF oo dhan ay dawladda Ethiopia qabato in ay sii wadayaan dagaalka ay ku xorryanayaan gobolkooda.

 

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp