Share this:

" /> Smiley faceSmiley faceSmiley faceSmiley face
Published On: Sun, Nov 24th, 2019

Asxaabta Qaranka Somaliland Oo Mawaaqif Kala Fog Ka Istaagay Muddo Kordhinta

Share This
Tags

Hargeysa(ANN)-Xisbiga Muxaafidka ee KULMIYE iyo Labada Xisbi Mucaarad ee Somaliland UCID, iyo WADDANI, ayaa siyaabo kala duwan uga hadlay muddo kordhinta saaka golaha guurtidu ugu duugay golaha wakiiladda, taas oo muddo xileedkoda loogu kordhiyay inay laba sannadood oo danbe sii fadhiyaan, iyadoo golaha gurtidana muddo hal sanno ah ay ka danbaynayaan.


Hogaamiyaha Xisbiga Mucaardka ee WADDANI, Xisri Cali Xaaji Xasan iyo Prof. Axmed Cabdi Muuse, (Abyan) oo ahaa murrashaxii horre ee Xisbiga UCID, ayaa warbaahinta kula hadlay maanta magaalada Hargeysa, waxayna sheegeen in kulan deg-deg ah oo ay arrintaa ka yeesheen kasoo saareen qodobo la xidhiidha mawqifkooda.


Prof. Axmed Cabdi Muuse, (Abyan) oo warbaahinta u akhriyay, ayaa sheegay in aannay sinaba u aqbali karin muddo kordhinta loo sameeyay labada gole oo ay sheegeen in aannay waxba kala socon, isla markaana waxay ku tilmaameen tallaabadaa iyo tallaabooyinkii siyaasadedd ee dalka ka taagnaa muujinayaankii labadii sannadood ee u danbeeyay muujinayaan in geedi socodkii dumuqraadiyada iyo doorashooyinka god dheer lagu riday. sidaa awgeed aanay aqbalayn.
Sidoo kale, waxay sheegeen inay si wadajir ah u canbaaraynayaan xadhiga lagula kacay masuuliyiinta xisbiga WADDANI, isla markaana lagu qabsaday xarunta Xisbigaa, waxayna sheegeen in arrimahaasi dalka meel xun u horseedi karaan oo aannu kasoo kaban karin.


Hogaamiyaha Xisbiga WADDANI, Xirsi Cali Xaaji Xasan, ayaa dhankiisa sheegay in Somaliland ay halkan kusoo gaadhay isu tanaasul, taas oo uu sheegay in dastuurku tilmaamayo, wuxuuna xusay in saddex kooxood oo erga ahaan ugu yimi ay awooddi waayeen inay Madaxweynaha la kulmaan, wuxuuna arrintaa ku tilmaamay mid nasiibdaro ah.
Xirsi, wuxuu sheegay in sharciga Somaliland haddii la ixtiraami waayo nin walba sharcigiisa tuurta ha ku qaadan doono, wuxuuna ku cel celiyay in aannay aqbalayn muddo kordhintaa oo sida ay labada xisbi wada jirka uga dhawaajiyeen aan lagala tashan.


Dhinaca Guddoomiye-ku-xigeenka Labaad ee KULMIYE, Axmed Cabdi Dheere, ayaa soo dhoweeyay muddo kordhinta loo sameeyay wakiiladda iyo guurtidu, wuxuuna tilmaamay in dib u dhaca doorashada ay masuul ka yihiin xisbiga Mucaardka ee WADDANI, wuxuu sheegay in aannay maanta ool in guurtidu maxay u kordhisay, balse loo baahnaa in laga waantoobo muranka.


Guddoomiye-ku-xigeenka labaad ee KULMIYE, wuxuu sheegay in aannay u baahnayn sideed u aragtaa iyo siday noqonay muddo kordhintu, maadaama ay tahay Hay’ad sharci oo gudanay waajibkeeda dastuuriga ah, isla markaana ay soo dhowaynayaan Xisbi ahaan, wuxuuna ku eedeeyay in doorashooyinku ka qabsoomi waayeen xisbiga mucaaradka ee WADDANI.

sidaa awgeed Axmed Cabdi Dheere, ayaa sheegay inay ku khasban yihiin xisbiyadu inay u hoggaansamaan muddo kordhintaa.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

#8Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp