Share this:

" />
Telesom Dahabshiil
Published On: Sat, May 16th, 2020

Dhimashada Iyo Kiisaska Cusub Ee Xannuunka Coronavirus Laga Helay Oo Korodhay Somaliland


Hargeysa(ANN)- Xukuumadda Somaliland, ayaa sheegtay in ay kordheen kiisaska cusub ee xannuunka Coronavirus, isla markaana ay sidoo kale korodhay dhimashada 48-saacadood ee u danbeeyay.

Sidaana waxa maanta warbaahinta u sheegay Agaasimaha Guud ee Wasaaradda Caafimaadka Somaliland, Dr. Maxamed Cabdi Xergeeye, oo barxada hore ee dhismaha Wasaaradda kula hadlay weriyayaasha.

Dr. Maxamed Cabdi Xergeeye, oo ka hadlayey xannuunka Covid-19, wuxuu warbixintiisa ku sheegay in 19 qof oo cusub ay kusoo kordheen kiisaskii hore, halka ay u geeriyodoeen xannuunkaa laba qof, sideed iyo afartankii saacadood ee u dambeeyey.

Agaasimaha guud ee caafimaadku waxa uu sheegay in dadkaas xannuunka laga helay ay ku kala sugan yihiin gobollada Maroodi-jeex iyo Awdal, oo saddex iyo Toban qof laga helay gobolka Maroodi-jeex, halka gobolka Awdalna laga helay xannuunkan lix qof, wuxuuna intaa ku daray inay dadkaas da’adoodu u dhaxayso toban jir ilaa todobaatan jir.

Sidoo kale, Dr. Xergeeye, ayaa tilmaamay in 19 qof, ay kala yihiin kow iyo toban rag ah iyo sideed dumar ah, halka lix qof oo dadkaas ka mid ahi ay yihiin dadkii karantiinka ku jiray ee ka yimid dalka Djibouti, wuxuuna xaqiijiyey inay tirada guud ee uu xannuunka COVID-19, uu ku dhacay Somaliland ay dhan tahay 87 qof, halka ay geeriyoodeen 8 qof, isagoo dadka ka bogsadayna ku sheegay 8 qof, tan iyo markii xannuunka lagu arkay geyiga Somaliland.

Guud ahaan dadka laga baadhay xannuunka COVID-19, ayaa gaadhaya 586 qof, wuxuuna xusay in hawsha baadhistu sideedii u socoto, isla markaana ay wadaan baadhitaanka dadka xadduuda kasoo gudbaya oo ay ku baadhayaan hawl-wadeenada wasaaradda caafimaadku sida uu xusay agaasimaha guud ee caafimaadku Dr. Maxamed Cabdi Xergeeye.

Dhinaca kale, Agaasimaha guud ee wasaaradda caafimaadku, wuxuu sheegay in dadka karantiinka ku jiraa ay dhan yihiin todobaatan qof, halka dadka leh xirfadda caafimaadka ee isu diiwaangaliyey inay si mutadawacnimo ah ugu adeegaan bulshadoodana ay gaadhayaan 795 qof, kuwaas oo leh xirfadaha kala duwan ee caafimmadka.

Smiley face

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Advertisement

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp