Share this:

" /> Smiley faceSmiley faceSmiley faceSmiley face
Published On: Sat, Sep 28th, 2019

Dubai: Maxaa kasoo Baxay Kulan Dhexmaray Madaxweyne Ku Xigeenka Iyo Ganacsato

Share This
Tags

Dubai(ANN)-Madaxweyne ku xigeenka Jamhuuriyadda Somaliland, Mudane Cabdiraxmaan Cabdullaahi Ismaaciil (Saylici) oo uu wehelinaayo wakiilka Somaliland u fadhiya Imaaraadka Carabta, Amb. Muniir Cabdu;laahi Abu-site, ayaa kulan gaar ah kula yeeshay ganacsato dalka Imaaraadka Carabta.

Kulanka Madaxweyne ku xigeenka Somalialnd, Safiirka Somaliland ee Imaaraadka iyo ganacsatada Dubia 27 Sep 2019.
Kulanka Madaxweyne ku xigeenka Somaliland, Safiirka Somaliland ee Imaaraadka iyo ganacsatada Dubia 27 Sep 2019.

Madaxweyne ku xigeenku iyo Safiirka, ayaa kulanka ay la yeesheen oo sida lagu sheegay qoraal kasoo baxay dhanka Madaxtooyadda Somaliland lagu sheegay inuu ka qabsoomay Hotelka uu ka degan yahay Madaxweyne ku xigeenku ee magaalada Dubai, jimcihii 27-09-2019.

Warka qoraalka ee Madaxtooyadda Somaliland, ayaa lagu sheegay in ganacsatadaa oo aan magacyadooda iyo shirkaddaha ay ka socdaan lagu xusin qoraalka ay Madaxweynaha iyo wefdigiisa kusoo booqdeen Huteelka uu degaan, kuwaas sida lagu tilmaamay qoraalka inay danaynayaan sidii ay Somaliland uga samayn lahaayeen maalgashi, isla markaana qayb uga noqon lahayaeen horumarka balaadhan ee ka socda Dalka Somaliland gaar ahaan dhinaca maalgelinta iyo horumarinta dhaqaallaha dhan walba la xidhiidha.

Kulanka Madaxweyne ku xigeenka Somaliland, Safiirka Somaliland ee Imaaraadka iyo ganacsatada Dubia 27 Sep 2019.
Kulanka Madaxweyne ku xigeenka Somaliland, Safiirka Somaliland ee Imaaraadka iyo ganacsatada Dubia 27 Sep 2019.

Qoraalka, ayaa lagu xusay in ganacsatadaasi usoo bandhigeen Madaxweyne ku xigeenka Jamhuuriyadda Somaliland sida ay u danaynayaan inay maalgelin ku sameeyaan dhinaca Beeraha, Dalxiiska, wershaddaha iyo inay ka sameeyaan gudaha dalka Hoteelo waa weyn oo casri ah, madaama ay Somaliland noqotay meel maanta caalamku isha ku hayo oo uu danaynayo una tartamayaan ganacsatada waa weyn iyo dawladdaha aduunku.

Madaxwayne ku xigeenka Jamhuuriyadda Somaliland, mudane Cabdiraxmana Cabdilaahi Ismaaciil (Saylici) ayaa ganacsatada uga mahadnaqay sida ay u danaynayaan Dalka Somaliland inay maalgelin ku sameeyaan, wuxuuna wargeliyay ganacsatadaa inay marti-qaad ku yimaadaan Somaliland si ay usoo indho indheeyaan horumarka iyo dedaalada maalgelineed iyo fursadaha ka jira dalka Jmahuuriyadda Somaliland.

sidoo kale, wuxuu u sheegay Madaxweyne xigeenka Somaliland ganacsatadaa inay soo arkaan xeebaha dalka gaar ahaan Marsada Berbera oo uu sida uu sheegay iyadu wakhtigan hoggaanka u haysa horumarka ka socda dalka, isla markaana leh garoon diyaaradeed oo hadda uun farta laga qaaday, kaas oo ah ka Afrika ugu weyn wakhtigan, loona isticmaali karo nooc kasta oo diyaarado ah Afrika inteeda kalena looga faa’iidayn karo dhinaca ganacsiga iyo badeecaddaha isaga gudba dalalka.

Sida lagu sheegay qoraal kasoo baxay dhinaca Wefdiga Madaxweyne ku xigeenka Somaliland, waxa Gebegabadii kulankaasi ku dhamaaday isfahan iyo xidhiidh wanaagsan oo dhexmara ganacsatada caalamiga ah iyo Jamhuuriyadda Somaliland.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

#8Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp