TelesomDahabshiil
Published On: Sat, Dec 21st, 2019

Guddoomiyaha Dallada SONSAF, Oo Ka Hadlay Go’aankii Ay Saareen Guddiga Dhex-dhexaadinta, Fariina U Diray Dhinacyada

Hargeysa(ANN)-Dallada SONSAF, ee midaysa Ururada Bulshada Rayidka ah ee aan dawliga ahayn, ayaa ayaa soo dhawaysay go’aankii ay soo saareen Guddiga Dhex-dhexaadinta ee lagu soo af-jaray khilaafka u dhexeeyey Xisbiyada Mucaaradka iyo xukuumadda ee la xidhiidhay arrimaha doorashooyinka ee dib u dhacay iyo Komishanka laysku khilaafay.


Guddoomiyaha Daladda SONSAF, Mr Anwar Cabdiraxmaan Warsame oo maanta shir-jaraa’id ku qabtay magaalada Hargeysa, ayaa Xisbiyada iyo xukuumaddaba ugu baaqay inay u hoggaansamaan go’aanka ay soo saareen guddiga Dhexdhexaadinta, isla markaana ay u diyaar garoobaan sidii Doorashooyinku dalka uga qabsoomi lahaayeen.

Mr. Anwar waxa uu soo jeediyey saddex qodob oo Dallad ahaan ay u arkaan inay suurto-galinayaan sidii dalka looga qaban-qaban lahaa Doorashooyinka Goleyaasha Baarlamaanka iyo Deegaanka, kuwaas oo uu sheegay inay Shacabka dalku u heellan yihiin qabsoomiddooda, isagoo xusay sida ay u muddo dhaafeen Golayaasha Guurtida, Wakiiladda iyo Deegaanku.

AKHRI: Guddoomiyaha Dallada Ururada Aan Dawliga Ahayn Ee SONSAF Oo Ku Tilmaamay Muddo Kordhinta Mid Niyad-jab Ku Ah Bulshada


“Guurtidu waxay maraysaa 24 sannadood, Baarlamaanku wakiiladdu waxay marayaan 10 sannadood, shacbiga Somaliland waxay danaynayaan oo diyaar u yihiin doorashooyinku inay dhacaan, wadanka haddii aan doorasho ka dhicin, wuxuu noqonayaa wadan aan dumuqraadiyi ka jirin, haddii doorashooyinku dhacaana dalku wuu qurux badnaanayaa, sidaa awgeed in la qabto doorashooyinku waa arrin muhiim ah.” ayuu yidhi, Guddoomiyaha SONSAF, Anwar Cabdiraxmaan.

“Waxaanu soo jeedinaynaa in loo dhego-nuglaado qodobbadii iyo go’aamadii ay soo saareen Guddiga Dhexdhexaadintu. Qodobka labaadna waxa weeyaan in Xisbiyada mucaaradku oggolaadaan Gogoshii Madaxweynuhu u fidiyey oo ay wada-fadhiistaan si looga wada-hadlo arrimihii Doorashada. Qodobka Saddexaadna waxa weeyaan in wax kasta oo fududaynaya in doorashadu wakhtigeedii ku qabsoonto in la fududeeyo dhammaan daneeyayaasha Doorashooyinku k qayb qaataan”, ayuu yidhi Guddoomiye Anwar Cabdiraxmaan.


Waxa uu sheegay in Somaliland ay Caalamka ka iibiso nabad iyo Dumuqraadiyad, sidaa awgeed loo baahanyahay in rukumada Dumuqraadiyada la ilaaliyo sida Doorashooyinka, Xoriyada hadalka iyo Nabada oo uu sheegay inay Somaliland dunida ka iibiso, wuxuuna xusay in haddii la waayo ay Somaliland yeelanayso sawir foolxun, markaa waa in la qabto doorashadii, wuxuuna xusay in arrintu aanay noqon midi midi ku taag ee laga shaqeeyo sidii dalka doorashooyiin looga qaban lahaa, taas oo uu sheegay inay diyaar u yihiin SONSAf, ahaan sidii loo dhamayn lahaa arrimahaa ee loo meel marin lahaa heshiiskaa.

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp