Share this:

" /> Smiley faceSmiley faceSmiley faceSmiley face
Published On: Tue, Nov 26th, 2019

Guddoomiyaha Dallada Ururada Aan Dawliga Ahayn Ee SONSAF Oo Ku Tilmaamay Muddo Kordhinta Mid Niyad-jab Ku Ah Bulshada

Share This
Tags


Hargeysa(ANN)-Dallada SONSAF, ee midaysa Ururada Bulshada Rayidka ah ee aan dawliga ahayn, ayaa canbaaraysay dariiqa golaha guurtidu u mareen muddo kordhinta labada sananood ee ay qalinka ku duugeen.


Guddoomiyaha SONSAF, Anwar Abdirahman Warsame oo ka hadlaya arrimahaa, ayaa sheegay in arrinta muranka ugu weyni ka taagnaa ay ahayd arrimihii doorashooyinka iyo xubnaha Komishanka ee cusub, kuwaas oo uu xusay inay muddo laba sannadood ah soo taagnaayeen, balse ay layaab ku noqotay in muddo kordhin laba sannadood ah loo sameeyo golaha wakiiladda, iyadoo aan waxba laga weydiin axsaabta mucaaradka.

Waxa kale oo uu ka hadlay Guddoomiyaha SONSAF, isla markaana carabka ku adkeeyay in aanay haboonayn in mar walba muddo kordhin aan qotshe cad lahayn la sameeyo, taas oo uu ku tilmaamay mid dhaawici karta sumcada Somaliland ku lahayd dunida, isla markaana shacabka ku keeni karta niyad jab iyo inay xilliyada danbe doorashooyinka codayn waayaan.


Waxa kale oo uu xusay in aan wax tashi ah lagala yeelan axsaabtu, isla markaana ay noqotay wax lala yaabo in mar walba muddo kordhin soo nooqoto oo doorashadii dib u dhacdo, xilligana waxa uu sheegay inuu taagnaa muranka Komishanka ay ka qayliyeen xisbiyada mucaaradku.

AKHRI: SONSAF Oo Canbaaraysay Xadhiga, Saraakiisha WADDANI, Xarunta Telefishanka Horn Cable Iyo Isu Soo Baxyada

Guddoomiye Anwar, ayaa sidoo kale si adag u sheegay in muddo kordhinta labada sanandood ee loo sameeyay golaha Wakiiladda aanay ahayn mid xataa laga qaybgeliyay muddo kordhintaa Xisbiyada mucaardka, “Way imanaysay muddo kordhin, laakiin wax tallo ah lagama siin axsaabta mucaaridka, waxaana haboonayd in muddo kordhinta loo meeldayo sidii caqabadaha yaalay qorshe looga yeelan lahaa, waana arrin go’aan la raacin oo dumuqraadiyadii Somaliland dhaawacay sababtoo ah markii lixaad ayaa la kordhiyay, mana jirto wax ka raaciyay, waana arrin Bulshada ku keeni karta niyad jab,.” ayuu yidhi, walaw uu xusay in golaha guurtidu xaq u leeyihiin inay sameeyaan muddo kordhin, balse ay Ururada Bulshadu saluugeen qaabka loo kordhiyay.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp