Share this:

" />
Published On: Sat, Nov 23rd, 2019

Guddoomiyaha UCID, Oo Sheegay In Madaxweyne Biixi Dhegaha Ka Furaystay Ergadooda Kadibna Iska Wareejiyeen Hawshaa

Share This
Tags


Hargeysa(ANN)- Guddomiyaha Xisbiga Mucaardka ee UCID, Eng. Faysal Cali Waraabe, ayaa ka dayriyay in hawshii ay ku jireen ee dhexdhexaadinta khilaafka ka dhashay Komishanka Doorashooyinka ay dhanka Madaxweynaha Jamhuuriyadda Somaliland la socon waayeen.


Gudoomiye Faysal Cali Waraabe, oo maanta la hadlay warbaainta isagoo ku sugan Magaalada Hargeysa, wuxuu sheegay in hawshaa markii uu ayidi waayay Madaxweynuhu ay ku wareejiyeen Ganacsato iyo Culimada dalka qaarkeed, wuxuuna xusay walaw aanu rajo fiican ka qabin inuu Madaxweyne Muuse yeelayo, balse uu doorkan wax aqbali doono.


“Waxaan idiinku bushaaraynaa wada hadaladii ku saabsanaa Komishanka ee aan ka Odayaynaynay may dhammaan Madaxweynuna Ergadii muu ayidin, waxaan ku wareejinay dadkii asadka ugu badan lahaa iyo culimaadii dalka, anigoo aan rajaweyn ka qabin inuu Madaxweyne Muuse uu wax yeeli doono inuu doorkan insha Allaah wax yeeli doono.” ayuu yidhi, Guddoomiye Faysal.


Gudoomiyaha UCID, wuxuu sheegay in Komishanka iyo Kursiga Madaxweyne Muuse Biixi isku xidhan yihiin, wuxuuna ku hanjabay in haddii doorasho dhiciweydo tallo laga gaadhayo hoggaanka Somaliland, “Maanta Wasaarad shaqaysaa dalka ma jirto, Madaxweyne Muuse, wuxuu dalkii kad dhigay dukaan uu lahaa oo xaqdaro kaga maqnaa 26 sannadood oo uu soo ceshaday, oo leeyahay annaa leh, taasna maaha wax suurta gelaysa oo shacbiga Somaliland yeelayo.” ayuu yidhi.


Wuxuu sheegay in maanta shacbigii ay niyad jabeen oo Bulshadii kala tagtay, isla markaana labadii arrimood ee Somaliland ku faani jirtay Nabada iyo Doorashada labadiiba meesha ka baxeen, isagoo yidhi, “Nabadgelyadii khal-khal ayay ku jirtaa oo waydinkaa arka Jabhadaa samaysmay, doorashona hadalkeeda iyo haabkeeda Madaxweyne Muuse maskaxdiisa kuma jirto, hay’addii dawliga ahaa ma shaqaynayaan, Guurti ma jirto, dawladda hoose ma jiraan, waydinkaa arka magaalooyinkii, Madaxweynihii wax hagaajin lahaa waa Mujaahid, dhawr xabadood ayaa ku dhacay, waxa tallo kaga soo hadhay Madax-adayg, tallo kale oo uu ummad u hayaa ma jirto.” ayuu yidhi, Guddoomiyaha UCID, Eng. Faysal.


Sidoo kale, Eng. Faysal Cali Waraabe, ayaa sheegay in muddo laba sannaood ah uu la shaqaynayay Madaxweyne Muuse Biixi, isla markaana uu gaadhay heer uu madaxa ka dhunkado, balse wuxuu guddoomiye Faysal sheegay in aanu intaa ka baddan u dulqaadanaynoo aanay aqblayn doorasho la’aan iyo wuxuu ku tilmaamay digtaytarnimo.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp