Share this:

" />
Telesom Dahabshiil
Published On: Thu, Dec 19th, 2019

Hoggaamiyayaasha Madasha Xisbiyada Oo Ka Baxay Heshiis Ay La Galeen Madaxweyne Farmaajo


Muqdisho(ANN)-Hoggaamiyaasha Madasha Xisbiyada Qaran ee Soomaaliya, ayaa si cad u shaaciyay inuu bur-buray heshiis ay Bishii November lasoo dhaafay Villa Somalia kula saxeexdeen Madaxweynaha Dawladda Federaalka ah ee Soomaaliya Maxamed Cabdullaahi Farmaajo.


Sida lagu sheegay Qoraal kasoo baxay Madasha Xisbiyada Qaran, oo ku taariikheysan 18-ka December, ayaa lagu cadeeyay in aanay diyaar u ahayn ianay wada-hadallo kale la galaan Madaxweyne Farmaajo, iyadoo sabab uga dhigay in aanu daacad ka ahayn wada hadalada oo uu jebiyay heshiiskii ay hore u gaadheen.
Waxa kale oo ay ku xuseen qoraalkooda oo ay ku eedeeyeen Madaxweyne Farmaao, inuu sii wado inuu shacabka u diido xuquuqdooda aas-aasiga ah ee hadalka iyo dhaq-dhaqaaqa xoriyada, isla markaana uu sii wado u adeegsiga hay’addaha amniga ee Federaalka, isagoo sida ay ku doodeen raadinaya hadafyo siyaasadeed oo ay ku tilmaameen kuwo hooseeya.

Madasha Xisbiyada Qaran waxay sidoo kale madaxweyne Farmajao ku eedeeysay, inuu rabshado iyo xasillooni darro aan loo baahnayn ka wada maamul goboleedyada dalka, isaga oo maal-gelinaya sida ay sheegeen kacdoono ka dhan ah dowladdo lay ku tilmaameen kuwo la doortay.


Sidoo kale, waxay ku eedeeyeen Madaxweyne Farmajo inuu weli sii wado taageerida qorshihiisa doorashooyinka 2020/21, oo ay sheegeen inuu yahay mid ka baxsan dastuurka, kaas oo aanay iftiimin.

Sidaa awgeed waxay Hoggaamiyayaasha Madasha Xisbiyadu sheegeen in qodobadaas ay yihiin kuwo jebinaya heshiisyadii hore loo gaadhay, isla markaana ay yihiin kuwo muujinaya in Madaxweynahu aanu daacad ka ahayn inuu xal iyo heshiis la gaadho dhinacyada saameynta ku leh siyaasadda dalka, waxayna ku xidheen shuruud inay kusoo noqdaan wada hadaladii in Madaxweynahu dhankiisa ka shaaciyo qodobada heshiiskii hore, islamarkaana uu fuliyo.


Dhinaca kale Madaxtooyada Soomaaliya ayaan weli ka hadlin eedaha ay soo jeediyeen ee ah in Madaxweyne Farmaajo ka baxay Heshiiska isaga iyo Hoggaamiyayaasha Xisbiyadu wada gaadheen 20 November 2019, kaas oo ka dhacay xatunta Madaxtooyadda ee Villa Somalia ee ay hore u wada saxeexdeen Madaxweyne Farmaajo iyo labadii madaxweyne ee hore Shariif Sheekh Axmed iyo Xasan Sheekh oo metelayay dhinaca kale ee Madasha Xisbiyada.

Smiley face

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Advertisement

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp