Share this:

" />
Published On: Wed, Jun 19th, 2019

Komishanka Doorashooyinka Oo Sheegay In La Casriyaynayo Qaabkii Iyo Qalabkii Diiwaangelinta Iyo Xisbiga WADDANI Oo Diiday Inay Ka Qaybgalaan Kulankaa

Smiley face

Hargeysa(ANN)-Kulan ay yeesheen Guddida doorashooyinka Somaliland ee mudadoodu dhammaadka ku dhawdahay iyo labada Xisbi ee UCID iyo Kulmiye, ayaa maanta ka qabsoomay xarunta Komishanka ee Magaalada Hargeysa.

Kulanka Komishanka iyo Labada Xisbi ee KULMIYE iyo UCID.
Kulanka Komishanka iyo Labada Xisbi ee KULMIYE iyo UCID.


Kulankaa oo saxaafadu dibadda ka joogtay, ayaa lagu sheegay ujeedadiisa mid lagaga hadlayay sidii diiwaangelinta cod-bixiyeyaasha doorashooyinka soo socda nidaamkooda loo hagaajin lahaa, isla markaana tayada qalabkii hore ee loo adeegsaday diiwaangelinta loo casriyayn lahaa.

Xisbiga ugu weyn Mucaaradka Somaliland ee WADDANI, ayaa qaadacay kulankaa sida ay sheegeen Komishanka doorashooyinka qaranka oo markii kulanku dhammaaday warbaahinta la hadlay.

“Kulanka waxanu isugu yeedhnay Xisbiyada, Baarlamaanka iyo Ururada Bulshada, waxayna ahayd si loo sii casriyeeyo diiwaan-gelinta oo markii hore loo adeegsaday sawirka Indhaha ee “Bu’uda indhaha” tii ayaa lasii casriyaynayaa, waana arrinta aanu warbixinteeda maanta kusoo bandhignay halkan, waqti kasta doorashadu ha dhacdee,” ayuu yidhi, Siciid Cali Muuse oo ka mid ah xubnaha Komishanka qaranka.


Sidoo kale Guddoomyaha Komishanka Cabduqaadir Iimaan, ayaa sheegay in khaladaadkii kasoo baxay diiwaan-gelintii hore ee ka yimi dhinacyada Xisbiyada, Ururada Bulshada iyo daneeyayaasha, waana arrinta aanu sidii loo casriyayn lahaa diiwaangelinta oo aanu hawsheeda wadnay maanta halkan ugu yeedhnay si aanu usoo bandhigno, Xisbiyada waanu wada casunay, waayo waxanu annagu qaranka u qaabilsanahay Doorashooyinka iyo diiwaangelinta, waanu ku casuunay saddexda Xisbi, balse Xisbiga WADDANI, ma iman waanu la hadlay, waraaqna waanu u qornay, ikhtiyaarkana iyagaa leh” ayuu yidhi, Cabduqaadir Iimaan oo ah guddoomiyaha Komishanka doorashooyinka qaranka Somaliland.


Dhinaca masuuliyiinta labada Xisbi ee KULMIYE iyo UCID, ayaa dhinacooda wadajir ula hadlay warbaahinta, waxayna sheegeen inay aad ugu riyaaqeen waxyaabihii ay Komishanku kusoo bandhigeen kulankaa, balse xisbiga mucaaradka ugu weyn ee WADDANI, ayaan wax jawaab ah ka bixin sababta ay kulankaa u qaadaceen, walaw ay hore u sheegeen in aanay wax wada shaqayn ah la yeelanayn komishanka qaranka oo ay marar baddan soo jeediyeen in la bedelo, iyagoo ku eedeeyay in aanay ku kalsoonayn, waxaana doodaa WADDANI, ku diiday labada Xisbi ee KULMIYE iyo UCID, oo keligood maanta ka qaybgalay kulanka ay komishanku sheegeen in ay kusoo bandhigayeen casriyaynta nidaamkii hore ee diiwaangelinta.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp