Share this:

" /> Smiley faceSmiley faceSmiley faceSmiley face
Published On: Wed, Nov 27th, 2019

Muxuu Daarnaa Kulanka Madaxweynaha Iyo Shir-gudoonka Labada Gole Baarlamaan

Share This
Tags

Hargeysa(ANN)-Madaxweynaha Jamhuuriyadda Somaliland, Mudane Muuse Biixi Cabdi, ayaa maanta kulan xafiiskiisa kula qaatay xubnihii hore ee komishanka doorashooyinka qaranka oo muddo-xileedkoodu dhammaanayo 29-11-2019.


Sida lagu sheegay qoraal kooban oo kasoo baxay Madaxtooyadda Somaliland, kulankaa waxa madaxweynaha ku wehelinayey madaxweyne-ku-xigeenka Jamhuuriyadda Somaliland, Mudane Cabdiraxmaan Cabdilaahi Ismaaiil (Saylici) iyo guddoomiyayaasha labada gole ee guurtida Mudane Saleebaan Maxamuud Aadan iyo Wakiillada,Mudane Baashe Maxamed Faarax.

Madaxweynaha Jamhuuriyadda Somaliland, Muuse Biixi Cabdi, Guddoomiyaha  guurtida, Saleebaan Maxamuud Aadan, Madaxweyne-ku-xigeenka Jamhuuriyadda Somaliland, Cabdiraxmaan Cabdilaahi Ismaaiil (Saylici) iyo Guddoomiyaha Wakiillada,Baashe Maxamed Faarax. 27 Nov 2019, Qasriga Madaxtooyadda. Araweelo News Network.
Madaxweynaha Jamhuuriyadda Somaliland, Muuse Biixi Cabdi, Guddoomiyaha guurtida, Saleebaan Maxamuud Aadan, Madaxweyne-ku-xigeenka Jamhuuriyadda Somaliland, Cabdiraxmaan Cabdilaahi Ismaaiil (Saylici) iyo Guddoomiyaha Wakiillada,Baashe Maxamed Faarax. 27 Nov 2019, Qasriga Madaxtooyadda. Araweelo News Network.

Kulankan dhex maray Madaxweynaha iyo shir-guddoonka goleyaasha guurtida iyo wakiillada iyo xubnaha Komishankii hore ee doorashooyinka qaranka, waxa lagu sheegay in ujeeddadiisu ahayd is-xogwaraysi la xidhiidha sidii xilkasnimada iyo hufnaanta lahayd ee ay u guteen waajibaadkii qaran ee saarnaa, una qabteen diiwaangelintii cod-bixiyayaasha iyo doorashadii madaxtooyadda.

Madaxweynaha Jamhuuriyadda Somaliland, Muuse Biixi Cabdi, Guddoomiyaha  guurtida, Saleebaan Maxamuud Aadan, Madaxweyne-ku-xigeenka Jamhuuriyadda Somaliland, Cabdiraxmaan Cabdilaahi Ismaaiil (Saylici) iyo Guddoomiyaha Wakiillada,Baashe Maxamed Faarax. 27 Nov 2019, Qasriga Madaxtooyadda. Araweelo News Network.
Madaxweynaha Jamhuuriyadda Somaliland, Muuse Biixi Cabdi, Guddoomiyaha guurtida, Saleebaan Maxamuud Aadan, Madaxweyne-ku-xigeenka Jamhuuriyadda Somaliland, Cabdiraxmaan Cabdilaahi Ismaaiil (Saylici) iyo Guddoomiyaha Wakiillada,Baashe Maxamed Faarax. 27 Nov 2019, Qasriga Madaxtooyadda. Araweelo News Network.

Xubnaha Komishankii hore ee Doorashooyinka qaranka, ayaa madaxweynaha iyo shirguddoonka goleyaasha guurtida iyo wakiillada uga mahadceliyey kulanka ay la qaateen, waxayna tilmaameen in shaqadii ay soo qabteen ahayd masuuliyaddii loo igmaday iyo waajibaadkii qaran ee ay u guteen si Dastuuri ah. ayaa lagu yidhi, qoraalka kooban oo uu ku saxeexnaa Agaasimaha Waaxda Warbaahinta ee Madaxtooyadda Somaliland, Nasir Yusuf Dahir.


Dhinaca kale, kulanka ayaa kusoo beegmay maalmo kadib markii Golaha Guurtida Somaliland muddo kordhiin laba sannadood ah u sameeyay golaha wakiiladda, 24 Nov, 2019, taas oo noqonay muddo kordhintii Lixaad ee loo sameeyo tan iyo markii lasoo doortay Oct, 2005, waxayna ka dhigaysaa inay kuraasta ku fadhiyaan 17 sannadood.

AKHRI: Muddo Kordhinta Markii Lixaad Guurtidu Ku Duugtay Iyo Dhawaaqa Mucaaradka Somaliland


Labada Xisbi mucaarad, ayaa si weyn uga qayliyay muddo kordhintaa oo ay sheegeen in aan waxba laga weydiin, sidoo kale waxa kulanka Madaxweynaha, Guddoomiyayaasha Labada gole ee Guurtida iyo wakiiladda iyo xubanaha Komishankii hore kusoo beegmayaa, kadib markii Guddoomiyaha Maxkamadda Sare ee Jamhuuriyadda Somaliland, Garyaqaan Aadan Xaaji Cali Axmed, dhaariyay Lixdaa xubnood ee Komishanka cusub, kuwaas oo golaha wakiiladdu ansixiyeen Nov 12th, 2019, iyadoo ay weli ka maqantahay xubintii laga sugayay xisbiga mucaardka ee WADDANI, waxayna labada xisbi mucaarad ansixinta golaha wakiiladda ee Lixdaa xubnood iyo muddo kordhinta labada gole ku tilmaameen waxyaabo aan sharci ahayn oo aanay aqbalayn, iyadoo tallaabooyinkaasi noqdeen kuwo sii xoojiyay xiisaad siyaasadeed iyo muran isa soo tarayay oo u dhexeeyay Xukuumadda iyo labada Xisbi mucaarad ee Somaliland, WADDANI iyo UCID.

Kulanka ayaa u muuqda mid Madaxweyne Biixi uga mahadcelinayo Guddoomiyayaasha labada Gole ee Guurtida iyo Wakiiladda hawsha ansxinta Xubnaha Komishanka cusub iyo muddo kordhinta ay golaha guurtidu sameeyeen oo ahaa laba qodob oo aan meelmarintooda wax taageero ah looga helin axsabta mucaardka Somaliland, isla markaana si weyn rayalcaamka bulshada u kala qaybisay.

AKHRI: Somaliland: Golaha Guurtida Oo Kordhiyay Muddo Xilleedka Wakiiladda Iŷo Xisbiyada Mucaaradka Oo Dhawaaqyo Kala Duwan Ka Bixiyay Jan 21st, 2019

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp