TelesomDahabshiil
Published On: Wed, Jul 12th, 2017

Somaliland: Dad Ajaanib Ah Oo Doonayey Inay Qaataan Kaadhka Dhalashada Oo Xabsiga Loo Taxaabay

Araweelo News Network

Hargeysa (ANN)- Xukuumadda Jamhuuriyadda Somaliland, ayaa xabsiga u taxaabtay laba nin oo u dhashay dawlad degaanka Soomaalida ee Itoobiya, kuwaasoo doonayey inay si been-abuur ah u qaataan kaadhka dhalashada Somaliland, halka sidoo kale lala xidhay nin muwaadin ah oo arrintaas ka caawiyey.
Sida lagu sheegay qoraal ka soo baxay Wasaaradda Arrimaha Gudaha Somaliland, waxa saddexda nin la qabtay maalintii Axadda ee toddobaadkan, iyadoo sidoo kale bulshada muwaadiniinta ah looga digay inay dadka ajaanibka ah ka caawiyaan qaadashada kaadhadhka dhalashada Somaliland, arrintaasoo ah dambi lagu mutaysanayo ciqaab adag.
“Wasaaradda Arrimaha Gudaha Jamhuuriyadda Somaliland ayaa maalinimadii shalay (Axaddii toddobaadkan) xabsiga u taxaabtay saddex nin oo laba ka mid ah u dhasheen Ismaamulka Dawlad Deegaanka Soomaalida ee Itoobiya, kuwaasoo ka been abuuray sinjiyadda dhalashadeeda si ay u qaataan kaadhka dhalashada Somaliland, halka ninka kalena uu ka caawiyey qabiilka ay sheeganayeen, kuna dhiirigaliyey.
Raggan oo magacyadooda la kala yidhaahdu Cabdillaahi Cabdi Bacaad Yuusuf iyo Xuseen Sheekh Ibraahin Carab Xuseen ayaa u dhashay dalka aynu jaarka nahay ee Itoobiya, gaar ahaan Ismaamulka Soomaalida, halka ka kale ee ka caawiyey dhanka sinjiyada ay sheeganayeen uu u dhashay Somaliland, kaasoo isagana lagu magacaabo Deeq Muxumed Guure Xuseen.
Ugu danbayntii Wasaaradda Arrimaha gudaha ayaa muwaadiniinta uga digtay inay ku gacan siiyaan dadka ajaanibka ah qaadashada kaadhka dhalashada iyada oo ciddii isku daydana ay kala kulmi doonto xadhig iyo ganaax adag,” ayaa lagu yidhi qoraalka ka soo baxay Wasaaradda Arrimaha Gudaha ee Jamhuuriyadda Somaliland.

About the Author

- #Arraale Mohamoud Jama is a freelance and investigative journalist, writer and human rights activist with more than 20 years of experience. He writes about a range of topics related to social issues such as human rights, politics and security. Other topics in which Mr. Arraale is interested include democracy and good governance. Mr. Arraale has written extensively on regional and international events, and has worked with Somaliland newspapers and Human rights organizations. In 2008, he established #Araweelo #News #website# Network, which he currently manages. For further information, please contact: Info@araweelonews.com or jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face<Smiley face noradin-schools---alikhwa