TelesomDahabshiil
Published On: Wed, May 24th, 2017

Soomaaliya: Khasaaraha Qarax Ismiidaamin Ah Oo Ka Dhacay Boosaaso

Araweelo News Network

Boosaaso (ANN)- Ugu yaraan shan qof, ayaa ku dhintay, tiro kale oo intaas ka badanna way ku dhaawacmeen qarax ismiidaamin ahaa oo ka dhacay badhtamaha magaalo-xeebeedda Boosaaso ee maamul-goboleedka Soomaaliya ee Puntland fiidnimadii.
Qaraxa oo uu fuliyey qof isa soo miineeyey, ayaa lala beegsaday goob dadku ku badan yihiin oo ku yaal suuqa ugu weyn magaalada Boosaaso oo sida la sheegay ay xilligaas ku sugnaayeen askar ka tirsan ciidammada ammaanka maamulka Puntland.
Saraakiisha caafimaadka ayaa warbaahinta u sheegay in dadka ku dhintay weerarkaasi oo aan ilaa hadda tiradooda si rasmi ah loo ogeyn isugu jiraan askar iyo shacab.
Goobta qaraxu ka dhacay oo dhexaysa xarumaha shirkadaha Towfiiq iyo Al-Hudda Phone oo ku yaal jidka ugu mashquulka badan Boosaaso, ayaa wararku tibaaxeen inay ciidammada ammaanku baadhitaanno ku wadeen gaadiid iyo tiro badan oo watigaas meesha marayey.
Goob-joogayaal ayaa sheegay in ay arkeen meydadka dhowr qof oo daadsan goobta qaraxa ismiidaaminta ah.
Dhinaca kale, masuuliyiinta maamul-goboleedka Puntland ayaa gebi ahaanba afka ka xidhay inay wax tafaasiil ah ka bixiyaan weerarkaas oo la rumaysan yahay inuu fuliyey naftii-hure ka tirsanaa dagaalyahannada kooxda Al-shabaab.
Qaraxa oo ahaa mid aad u xooggan oo aan weli si buuxda loo xaqiijin khasaaraha ka dhashay, waxa uu saamayn weyn ku yeeshay guud guud ahaan dhaqdhaqaaqyadii kala duwanaa ee Boosaaso, waxana la xidhay dhammaan meheradihii ganacsiga ee magaalada oo dhan.

About the Author

- #Arraale Mohamoud Jama is a freelance and investigative journalist, writer and human rights activist with more than 20 years of experience. He writes about a range of topics related to social issues such as human rights, politics and security. Other topics in which Mr. Arraale is interested include democracy and good governance. Mr. Arraale has written extensively on regional and international events, and has worked with Somaliland newspapers and Human rights organizations. In 2008, he established #Araweelo #News #website# Network, which he currently manages. For further information, please contact: Info@araweelonews.com or jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face<Smiley face noradin-schools---alikhwa