Share this:

" />
Published On: Sat, Jul 27th, 2019

Xukuumadda Somaliland Oo Ka Hadashay Dagaal Ka Dhacay Afaafka Wadada Tabca Iyo Gaadiid Laga Qabsaday Malayshiyada Col. Caare

Smiley face

Ceergaabo(ANN)-Badhasaabka Gobolka Sanaag Maxamed Axmed Caalin (Tiimbaro), ayaa hadlay khasaaraha ka dhashay dagaal saaka  ka dhacay dhinaca Karin ee Woqooyiga Bari ee Magaalada Ceergaabo oo ah Afaafka laga galo  wadada Dowga Tabca ee loo maro magaalada xeebta ah ee Maydh.

Dagaalka, ayaa halkaa ku dhexmaray Ciidamadda Qaranka Somaliland iyo Malayshiyada uu watay Col. Caare, wuxuuna Badhasaabka Tiimbaro sheegay in Ciidamada Qaranku Laba gaadhi oo Tikniko ah ka qabsadeen Maleeshiyaadka Caarre, isla markaana aanay jirin wax dhimasho iyo dhaawac ah, marka laga reebo hal qof oo dhaawac fudud soo gaadhay.

“Saaka waxa dhacay, ciidanka Qaranka Jamhuuriyadda Somaliland, ayaa gaadhay ciidan uu watay ninka la yidhaahdo Caarre oo soo gaadhay kedinka laga galo Buurta Daallo (Dowga Tabca). Nasiib wanaag, iyadoo aanay Ciidanka waxba ku dhiman, waxay ka qabteen laba gaadhi, isagii iyo saddex gaadhi-na waxay u yaaceen Buurta gudaheeda.” Ayuu yidhi, Badhasaabka Gobolka Sanaa goo galabta warbaahinta kula hadlayay Magaalada Ceergaabo. Wuxuuna intaa ku daray in Odayaal laga daba diray si ay nabadgelyo ugu soo dhammeeyaan arrintaa.

Balse ma jiraan warar madax-banaan oo sheegaya khasaaraha dhabta ah ee ka dhacay halkaa, waxayna dadka deegaanku sheegayaan in saaka waaberigii ay ku war heleen dhawaaqa rasaasta.

 Dhinaca kale, waxa jira warar shebekadda Araweelo News Network ka heshay dadka deegaanka oo sheegaya in mudadii ay socotay waan-waanta iyo wadahadalka xukuumadda Somaliland iyo Odayaal iyo Wax-garad ku jiray arrintaa sidii nabad loogu dhammayn lahaa ay Malleeshiyaada Caarre oo ku sugnaa deegaanka Hadh-shuuq oo ka tirsan deegaanka Xamaas ee Woqooyi Bari kaga beegan magaalada Ceergaabo oo qiyaastii 30Km u jirta Karin, waxaana saaka lagu war helay iyagoo jooga Karin oo ah Dawga Tabca Afaafkiisa ee dhinaca Woqooyiga Magaalada Ceergaabo.

sidoo kale, qaar ka mid ah dadka deegaanka, ayaa u sheegay shebekadda Araweelo News Network, in ay xaalada magaalada Ceergaabo ay degantahay, walaw maanta laga dareemay xiisadaa, islan markaana Malayshiyada Caare dhinaca Buurta ee usii jeeda Xeebta u degeen.

Madaxweynaha Somaliland oo maanta ka hadlay xaaladda ka soo cusboonaatay gobolka Sanaag, ayaa sheegay in sida ugu dhakhsaha badan loo soo af-jarayo arrintaas iyadoo wada-hadallo iyo waan-waan loo marayo,  isla markaana ay xilligan hawsheeda ku jiraan Madax-dhaqameed iyo Odayaal Isu-xil-qaamay soo-af-jarista khilaafka Korneyl Caarre iyo Xukuumadda.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp