#Araweelo_News_Network.
Ceergaabo(ANN)-Maayarka Magaalada Ceergaabo, Ismaaciil Xaaji Nuur oo ay weheliyaan guddida nabadgelyada gobolka Sanaag, ayaa ka hadlay dhacdadii sababtay dhimashada iyo dhaawaca ee xalay ka dhacday Magaalada Ceergaabo.
Maayar Ismaaciil Xaaji Nuur, wuxuu sheegay in Magaalada Ceergaabo oo ah xarunta gobolka Sanaag ay ku nool yihiin bulsho baddan, isla markaana ay jiri karaan dad shaqsiyaad ah oo fidno iyo dhibaato doon ah.
Wuxuu sheegay in arrintan oo sababtay dhimashada hal qof iyo saddex dhaawaca ay ciidanku gacanta ku hayaan oo ay baadhayaan.
“Waxaan is leenahay waxa laga soo maleegay meelo kale, waxaan la kulanay waayeelkii ku noolaa degmada Ceergaabo dhinac walba, waxayna Odayaasha iyo waxgaradku ku maqan yihiin inay wax ka qabtaan hawshaa, waana rajaynayaa inay guul ku dhammaanayso” ayuu yidhi, Maayarka Ceergaabo.
Dhinaca kale, Maayar Ismaaciil Xaaji Nuur, wuxuu ka hadlay qaban qaabada xuska 18 May oo loo diyaargaroobayo sannad guuradii 32aad ee kasoo wareegtay markii ay Somaliland lasoo noqotay madaxbanaanideeda shirkii Burco 18 May 1993.
“Arrinta 18May , waa arrin qaran nina la weydiin maayo, waxaana lagu saxeexay shirkii Burco, oo ay saxeexeen Garaaddada, waxgaradka iyo aqoonyahanka, ciddii doonaysa in la khal-khalinaynaa lagama yeelayo” ayuu yidhi, Maayar Ismaaciil, wuxuuna xusay in shacbiga Ceergaabo ay dantoodu ku jirto nabada iyo deganaanshaha, isla markaana loo wada diyaargaroobo xuska 18May.
Please share with your friends the news and information provided by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com
