#Araweelo_News_Network.
“Haddii ay guurtidu 45 maalmood oo nasasho ah ka doorteen xaaladda dalku marayo waxa dhaanta inay iska casilaan xilka” Aqoonyahan Saciid Shukri
Hargyesa(ANN)- Guddoomiyaha Guurtida Somaliland Saleebaan Maxamuud Aadan ayaa mudanayaasha Gollaha ku wargeliyey inay galaan fasax bil iyo badh ah, taas oo dood iyo sawaxan ka abuurtay mudanayaasha dhexdooda.
Hase yeeshee Guddoomiye Saleebaan ayaa iska dhegatiray dhawaaqyada sawaxanka abuuray ee ka dhashay soo jeedinta fasaxa, waxayna arrintan kusoo beegantay xili ay xaalladdo xaasaasi ahi ka jiraan dalka, isla markaana lagu hawlan yahay diyaarinta xeerarka doorashooyinka isku sidan ee Madaxtooyada iyo Ururrada Siyaasadda oo gollaha guurtida dhankiisa loo gudbiyay.
Dad baddan oo si dhow ula socda siyaasadda dalka ayaa arrintan ku tilmaamay mid aan loo baahnayn xilligan oo aan munaasib ku ahayn in gollaha guurtida la geliyo fasax, maadaama ay jiraan arrimaha dalka ka taagan ee xaaladdaha murugsan ee siyaasadeed.
Qaar ka mid ah dad ka dareen celiyay arrintan ayaa ku dooday in gollaha guurtidu tallaabada ay qaadeen ee fasaxa xilligan ku lumiyeen kalsoonida yar ee ay bulshada ka haystreen.
Aqoonyahan Saciid Shukri oo ka mid ah haldoorka Somaliland oo ka deereen celiyay arrintaa ayaa bartiisa Twitterka ku baahiyay in maadaama ay gollaha guurtida Somaliland galeen fasax xilligan oo ay dalka ka jiraan arrimo xaasaasi ah ay haboonayd inay is casilaan halkii ay fasaxa ka galeen.
“Haddii ay guurtidu 45 maalmood oo nasasho ah ka doorteen xaaladda dalku marayo waxa dhaanta inay iska casilaan xilka, waayo waxay lumiyeen kalsoonidii dadka. Dhammaanteen waan garanaynaynaa inay cilladaysan yihiin, laakiin waxay tirinayaan joogitaankooda” ayuu yidhi, isagoo tilmaamay in loo baahanyahay qorshe degdeg ah.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com
