Waxay u diideen fursad ay ku oggolaadaan inuu jeediyo khudbadiisa
#Araweelo_News_Network.
Berlin(ANN)-Hoggaamiuyaha Dalka Jarmalka Chancellor Olaf Scholz, ayaa lagu fooryay meel fagaare ah xilli uu doonayay inuu khudbad ka jeediyo fagaare.
Dadweyne kusoo ururay goobta uu doonayay inuu ka hadlo, ayaa diiday inay dhegaystaan khudbadiisa, kuwaas oo durbadiiba ku biilabay foori iyo qaylo, waxayna si weyn uga soo horjeedaan dagaalka Ukraine.
Laxidhiidha: Ukraine: Burburinta Ruushka Ee Duqaynta Saldhiga Dhulka Hoostiisa Ee NATO Iyo Difaaca Gantaalaha Ee Reer Galbeedka
Dalka Jarmalka, ayaa si weyn uga soo horjeeda taageerada Millateri ee Jarmalku u fidiyay Ukraine iyo gebei ahaanba in ay dhexgalaan dagaalka, iyagoo ku baaqaya “waxaan doonaynaa nabbad”, waxaa tahay dagaal oogge” iyo ereyo kale oo ay ka mid ahaayeen waxaan rabnaa nolol iyo nabad”
Muuqaal warbaahinta Jarmalku soo gudbisay, ayaa la arkayay Chancellor Olaf Scholz oo si cadho ah u qaylinaya, kaddib markii uu galay is difaac iyo eeddaymo uu dhinaca Vladimir Putin Madaxweynaha Ruushka u tuuray, wallow aan cidna ka dhegaysan.
Dadka goobta ku sugnaa may siin wax fursad ah oo u oggolaanaya inay dhegaystaan, taas oo sii kordhisay cadhiisa, wuxuuna isku deyay inuu hadalkiisa u beddelo qaylo, iyadoo dadka goobta joogayna qaylo, foori iyo sawaxan ku qaabilayeen, kuwaas oo aan mar keliya u muujin inay dheggaha u raariciyaan.
Dadka ku fooryaya Hoggaamiyaha Jarmalka 4 Jun 2023, Berlin, Araweelo News Network.
Scholz ayaa ku sugnaa goob ay isugu yimaadeen xisbigiisa oo ku dhow magaalada Berlin markii ay dadka mudaharaadayaasha ah carqaladeeyeen khudbadiisa, iyagoo ku dhawaaqayay erayo ay ka mid yihiin ‘Nabad la’aan hub la’aan, waxayna ku tilmaameen inuu yahay dagaal-oogge.
Xukuumadda uu hoggaamiyo Chancellor Olaf Scholz, ayaa muddo ka caga-jidaysay inay taageero Millateri siiso Ukraine, balse ugu danbayntii waxay u dirtay Taangiyo iyo hub qalab Millateri iyo khuburo, taas oo dadweynaha Jarmalka ka cadhaysiisay, isla markaana lumisay kalsoonida xukuumadda Olaf oo hoos u socota, sida ay muujinayaan rayi ururinta la sameeyay maalmihii u danbeeyay.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com
