Share this:

" />
Telesom Dahabshiil
Published On: Mon, Oct 12th, 2020

Dadweynaha Burco Dareenkooda Ka Muujiyay Haweenay La Dilay

Araweelo  News Network

Burco(ANN)-Mudaharaad lagu diidanyahay falalka ka dhanka ah Haweenka ee dilalka iyo Kufsiga oo kusoo batay Somaliland, ayaa ka dhacay magaalada Burco ee xarunta gobolka Togdheer, kaddib markii Marxuumad Ugbaad Cali Cabdullaahi la sheegay in la dilay, sida ay shaaciyeen Saraakliisha Booliska ee Burco.

alt, araweelo news network

Qaar ka mid ah dadweynaha Mudaharaadayay ee ka cadhiiday dilka haweenayda, magaalada Burco, 12 Oct, 2020, Araweelo News Network.

Saraakiisha Boooliska, ayaa sheegay in loo hayo Nin uu sheegay inuu qirtay dilka gabadhaa, waxayna  dadka maanta isugu soo baxay Magaalada Burco oo u badnaa Haween iyo caruur dalbanayeen in cadaaladda la mariyo cidii dishay gabadha.

Marxuumada, ayaa ahayd Hooyo haysatay Saddex Carruur ah, iyadoo Maydka Marxuumada lagu hayo Cusbitaalka magaalada Burco.

alt, araweelo news network

Qaar ka mid ah dadweynaha Mudaharaadayay ee ka cadhiiday dilka haweenayda, magaalada Burco, 12 Oct, 2020, Araweelo News Network.

“Waa in Sharciga la mariyo Cidda falkaa geysatay oo ay Caddaalad hesho Hooyo Ugbaad Cali Cabdillaahi oo ah Marxuumadda kufsiga iyo dilka loogu geystay Magaalada Burco, Dawladda Somaliland waxaanu ka codsanaynaa in Ninkii dilay Cadaaladda loo mariyo.” Sidaa waxa tidhi, mid ka mid ah haweenka  ka cadhooday dhacdan ee isugu soo baxay si ay u muujiyaan dareenkooda.

“Madaxweynaha Somaliland waxaanu leenahay hablaha sidaas oo kale ayaa ku dhacaysa (Haddii Cadaalad la waayo).” Ayay raacisay, iyadoo si shucuurteedu sarayso u dhawaaqaysa.

Dadweynaha, ayaa markaa kaddib waxa goobta yimi Ciidamadda amaanka, kuwaas oo kala dareeriyay dadkii isugu soo baxay magaalada Burco.

Dhinaca kale, saraakiisha Booliska oo shalay ka hadlay arrinta Marxuumad Ugbaad Cali Cabdullaahi ayaan faah-faahin dheeraad ah ka bixin qaabka uu kiisa Haweenaydaasi u dhacay, waxayna sheegeen in ay baadhayaan sababta kiiska Marxuumadda.

Inata baddan kiisaska Kufsiga ee Somaliland ka dhaca oo ahaa kuwo soo badanayay tobbankii sannadood ee danbeeyay, balse inta baddan kiisaska Kufsiga ayaa ah kuwo ay fuliyaan kooxo dhalinyaro ah.

AKHRI: Sheekh Dirir Oo Ka Hadlay Xeerka Kufsiga Oo Dooda Dhaliyay

Somaliland, ayaa horre usoo saartay Xeerka Kufsiga iyo Xadgudubyada Jinsiga ee Xeer Lr. 78/2018, balse xeerkaa ayaa doodo baddan iyo muran ka abuuray bulshadda dhexdeeda, kaddib markii Madaxweynaha Somaliland Muuse Biixi Cabdi kusoo saaray digreeto horraantii August 2018.

AKHI: Xeerar Madaxweyne Muuse Biixi Soo Saaray Oo Qaarkood Dood Dhaliyeen

AKHRI: Golaha Guurtida Somaliland Oo Meel Mariyay Xeerka Kufsiga Iyo Xildhibaan Dhaliilay Ansixintiisa

Smiley face

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Advertisement

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp