Araweelo News Network.
Hargeysa(ANN)-Shirweynaha Labaad Ee Xisbiga Mucaaradka ee WADDANI, ayaa si rasmi ah uga furmay maanta Magaaladda Hargeysa.
Ergooyin ka kooban 1300, ayaa ka qaybagaly shirweynaha oo ahaa mid si weyn xamaasad uga muga muuqato, sidoo kale martisharaf, ka socday axsaabta kale ee qaranka, ururada bulshada, warbaahinta iyo madaxda dhaqanka ayaa madasha kasoo xaadiray.
Guddoomiyaha Xisbiga WADDANI, Cabdiraxmaan Maxamed Cabdullaahi, ayaa mahadnaq u jeediyay guddida qaban-qaabada dhirweynaha, wuxuuna ku tilmaamay kuwo hawl weyn soo qabtay oo muddo laba bilood ah soo waday hawsha shirka.
Guddoomiye Cabdiraxmaan, ayaa markaa kaddib ergooyinka maddasha fadhiyay ka codsaday in xubnaha hoggaaminaya shirweynaha uu soo jeedinayo, isla markaana uu cod u weydiinayo ergooyinka.
Guddoomiyaha Shirweynaha haggaya ayaa loo doortay Cabdulqaadir Ismaaciil Jirde, halka Barkhad Jaamac Batuun loo doortay Xoghayaha Shirweynaha.
Madasha Shirweynaha WADDANI, ayaa ahayd mid ka duwan shirweynii hore ee Xisbigaa, waxaana laga jeediyay khudbado iyo weedho rajo iyo yididiilo weyn muujinayay.
Siyaasiyiin sheegay in ay Xisbiga KULMIYE, kasoo guureen, ayaa madasha ka hadlay, kuwaas oo muujiyay raja-xumada iyo mustaqbalka madaw ee xisbigu dhaxalsiiyay qaranka.
Khubadihii shirweynaha iyo waxyabaha ka muuqday maddasha shirweynaha labaad ee Xisbiga WADDANI, waxaan idiinku soo gudbinaynaa warbixinaha danbe.
