Araweelo News Network.
Hargeysa(ANN)-Hoggamiyaha Xisbiga Mucaaradka ee WADDANi, Xirsi Cali Xaaji Xasan, ayaa si cad u shaaciyay hankiisa uu ku doonayo inuu noqdo Guddoomiyaha Xsibiga, isla markaana u taagan yahay inuu u tartamo, marka laysugu yimaado masraxa loogu tartamayo hoggaanka Xisbiga.
Siyaasiga Xirsi Cali Xaaji Xasan, wuxuu sidaa ka sheegay mar uu maanta safaaxadda kala hadlay loollanka loogu jiro hoggaanka xisbiga, iyadoo xilligan ay muuqato in dibedda lagu sii dhammeeyay arrimo baddan oo la xidhiidhay siyaasiyiin iyo haldoor ka mid ah xisbiga oo la guuxayay damacooda iyo hanka hunguriga siyaasadeed ee ku jiray.
Hoggaamiye Xirsi Cali Xaaji Xasan, wuxuu ku dooday in uu xaq u leeyahay inuu ku tartamo jagada guddoomiyaha Xisbiga, isagoo sheegay in ay jiraan saddex sababood oo ku dhiirinaya hankiisa xilka uu doonayo inuu ku tartamo, marka la gaadho shirweynaha Xisbiga ee loo balamay 15 ilaa 16 November 2021.
“Maaha in aan leeyahay waxaan ahayn qofka ugu muddan, laakiin waxaan is leeyahay waad ugu haboontahay oo waad ka saari kartaa xisbiga kaalinta uu ku jiro, waana sababta aan u weydiisnayo bahweynta WADDANI, inay ” Ayuu Xirsi.
Wuxuu sheegay in ujeedada ka jburaysa inuu bahweynta Xsibiga uga codsanyo in ay u doortaan ay tahay, si Xsibigu ugu guulaysto doorashada iyo dawladdnimada, sidoo kale, wixuu hoggaamiye Xirsi ka dhawaajiyay in ay qorshayaashiisa ka mid tahay inuu dhiso Xisbiga oo gaadhsiiyo guusha, isla markaana ka shaqeeyo hotumarka Xisbiga iyo inuu noqdo mid kasii kaxeeya halkii lasoo gaadhsiiyay.
Hoggaamiye Xisri, wuxuu xusay in markii ay isaga iyo kooxdii la socotay ay kusoo biireen Xisbiga ku heshiiyeen 14 qodob oo sida uu sheegay ka turjumayay bulshadii ay metelayeen, balse aannay ujeedadu markaa ahayn in xil iyo mansab ay doonayeen ee qorshohoodu ahaa dhismaha Xsibiga iyo in ay ka dhex arkaan, ama ka dhex fuliyaan himilada iyo dhismaha qaranaka.
Siyaasi Xisri Cali Xaaji Xasan oo maanta guddida qaban-qaabada u gudbiyay waraaqihiisa iyo wixii shuruudo ah ee ku xidhan qofka doonayo inuu tartan u galo hoggaanka Xisbiga, wuxuu si cad u shaaciyay hankiisa guddoomiyaha Xsibiga WADDANI.
Halkan Ka Daawo Muuqaalka Hoggaamiye Xirsi.
Published by Araweelo News Network.
Fadlan la wadaag saaxiibadaa warbxinaha iyo wararka ay
soo gudbiyaan shebekaddaha Araweelo News Network.
Follow us Twitter@Araweelonews Facebook@AraweeloNews instagram@araweelonews By Arraale M Jama Freelance Journalist and Human Rights activist. info@araweelonews.com
