<
#Araweelo_News_Network.
Hargeysa(ANN)-Dagaal kulul oo subaxnimadii ka bilaabmay duleedka Magaalada Laascaanood, ayaa sababay khasaare dhimmasho iyo dhaawac ah.
Dagaalka ayaa u dhexeeyay ciidamadda Qaranka Somaliland ee ku sugan Gooja-cadde iyo Maleeshiyaadka deegaanka oo garab ka helaya kuwa maamulka Puntland ee Soomaaliya iyo kooxo ay xukuumadda Somaliland ku tilmaanto innay ka tirsan yihiin kuwa loogu yeesho Argagixisada oo ku sugan deegaanka.
Sida ay sheegeen wararka aannu ka helay dagaalka ayaa bilaabmay waaberigii saaka, waxaana uu soo gaadhay gelinkii danbe Salaasadii ilaa xili ku beegan gabaladhacii fiidadawgii.
Wararka qaar ayaa sheegaya in Ciidamadda Somaliland oo difaac ku jiray ay ku waaberiisteen weerrarka kaga yimi Maleeshiyada, isla markaana uu dagaalku sababay khasaare dhimmasho iyo dhaawac ah.
Xukuumadda Somaliland ayaa ka hadashay dagaalka wallow aannay faahfaahin ka bixin khasaaraha, balse warar shebakaddaha Araweelo News Network heshay ayaa sheegay in gaadiid ugu yaraan hal gaadhi laga gubay Maleeshiyada weerarka soo qaaday, isla markaana ay jiraan gaadiid iyo maxaabiis laga qabatay inkasta oo dhinaca xukuumadda Somaliland aan lasoo bandhigin.
Wasaaradda Gaashaandhiga Jamhuuriyadda Somaliland oo war kooban kasoo saartay dagaalka, ayaa sheegtay in Ciidamadda Maamulka Puntland ee Soomaaliya oo garab ka helaya kooxaha huwanta iyo argagixisada ay saaka weerar ku soo qaadeen fadhiisimada ciidamadda Qaranka Jamhuuriyadda Somaliland ee Magaalada Laascaanood ee Gobolka Sool.
Warka kasoo baxay Wasaaradda Gaashaandhiga Somaliland oo lagu baahiyay Boggaga Baraha Bulshada ee Wasaaradda xilli danbe oo cawayskii habbeenimo ah, ayaa lagu yidhi, “ Ciidamada Qaranka Jamhuuriyadda Somaliland oo mar kasta diyaar u ah difaac iyo ilaalinta Qarannimada ayaa ku dhuftay cadawga soo wareeray dhirbaaxo aanay mahadin, waxaa ciidamada Maamulka Puntland ee Soomaliya iyo kooxaha argagixisada ah laga gubay Baabuur baddan oo Tigniko ah, guud ahaana waa la jebiyey”ayaa lagu yidhi, warka wasaaradda gaashaandhiga Somaliland.
“Mar kasta ciidamada Qaranka Jamhuuriyadda Somaliland cidna duulaan kuma aha, balse ciddii soo weerarta waxa ay ka qaadaan tallaabo adag oo lama ilaawaan ah” ayaa lasii raaciyay warka qoraalka ah.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com
