Telesom Dahabshiil
Published On: Sat, May 22nd, 2021

Somalia: Shirka Wada Tashiga Xukuumadda Federaalka Iyo Maamul Gobolleedyada Oo Furmay Xilli Uu Ergayga Midawga Afrika Iska Casilay

Araweelo News Network

 

Muqdisho(ANN)-Xukuumadda Federaalka ee Soomaaliya, ayaa kulan si weyn loogu caddaadinayay maanta la yeelatay Maamul gobolleedyada Soomaaliya ee ay muddada ku murmayeen qaabkii ay doorasho uga dhici lahayd Soomaaliya.

Ra’iisal Wasaaraha Xukuumadda Federaalka Soomaaliya Maxamed Xuseen Rooble ayaa maanta guddoomiyay Furitaanka kulanka loogu yeedhay “Shirka Wadatashiga Qaran” ee xalka loogu raadinayo arrimaha doorashooyinka, maalin kadib markii uu iska casilay Ergayga Midawga Afrika dhowaan u magcaabeen inuu kala shaqeeyo arrimaha doorashooyinka.

Ajandaha shirka, ayaa sida lagu qoraal saxaafadeed kasoo baxay maanta xafiiska ra’iisal wasaare Rooble oo nuqul ka mid ah soo gaadhay shebekaddaha Araweelo News Network, waxa lagaga arrinsanayaa sii ambaqaadidda heshiiskii 17-ka Seebteembar ee ay ansixiyeen Baarlamaanka Federaalka Soomaaliya.

Kulanka waxa ku cusub oo ka dhex muuqda labada Madaxweynayaasha labada maamul gobolleed ee Jubaland, Axmed Maxamed Islaam (Axmed Madoobe), iyo Puntland Siciid Cabdullaahi Deni, kuwaas oo marar badan sheegay in aannay ka qaybgelayn kulan ay xukuumadda Federaalka ku baaqdo.

Hase yeeshee shirka maanta uu guddoominayay ra’iisal wasaare Rooble oo dhowaab markii Gollaha wasiilladu laalay mmuddo kordhinta loo sameeyay xukuumadda Madaxweyne Farmaajo arrimaha doorashooyinka iyo sidii xal looga gaadhi lahaa ku wareejiyay.

Waxaana  ka qaybgalay shirka loogu yeedhay “Shirka Wadatashiga Qaran” Madaxweynaha Dowlad-gobolleedyada Galmudug, Axmed Cabdi Kaariye, Puntland, Siciid Cabdullaahi Dani, Jubbaland, Axmed Maxamed Islaam, Koonfur-galbeed, Cabdicasiis Xasan Maxamed (Laf-gareen), Hirshabeelle, Cali Cabdullaahi Xuseen iyo Guddoomiyaha Gobolka Banaadir, Cumar Maxamuud Maxamed.

Madaxda ayaa isla gorfeeyey dadaallada heer Federaal iyo heer dowlad-goboleed ee loo qaaday hirgelinta iyo dhameystirka hannaanka doorashooyinka, xaqiijinta xasilloonida siyaasadeed iyo amni ee dalka, sida lagu sheegay qoraalka.

Dhinaca kale, shirka ayaa kusoo beegmay maalin kadib markii la baahiyay warqad uu u qoray Madaxweynihii hore ee Ghana Prez John Dramani Mahama , taas oo lagu sheegay in uu si rasmi ah uga laabtay aqbalaaddiisii Wakiilka Sare ee Soomaaliya todobaadyo kadib markii AU magacowday.

Warqada uu ku socodsiiyay guddoomiyaha Midowga Afrika, wuxuu ku sheegay sababta go’aanka, wuxuu ku sheegay John Mahama, “in hawshu tahay mid ahmiyadda siyaasadeed oo sare leh, taas oo loo soo jeediyay, balse hawshu waxay u baahan tahay in Wakiilka Sare uu ku raaxeysto wada shaqayn ballaadhan oo dhinacyada wadajirka ah ee siyaasadda.” Ayuu yidhi.

 

Araweelo News Network.

info@araweelonews.com

 

 

 

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp